ಆಸೆಯ ಬಲೆ.
ಆಸೆ ಬಲೆಯು ಬೀಸಿದಾಗ
ಸಿಕ್ಕ ಮೀನೆ ಮಾನವ,
ಇದಕೆ ಸಿಕ್ಕಿ ಕಳೆದುಕೊಂಡ
ಇದ್ದ ಸ್ವಲ್ಪ ’ಮಾನ’ ವ.
ಆಸೆ ಬಲೆಯ ಹೆಣೆಯುವಲ್ಲಿ
ವಿಧಿಯ ಪಾತ್ರ ಹಿರಿದುದು,
’ನಾನೆ ಎಲ್ಲಾ’ ಎಂದ ಮೀನು
ಇದರ ಮುಂದೆ ಕಿರಿದುದು.
ಸಾಗರವು ಹಿರಿದಾಗಿದೆ
ಮೀನು ಬಹಳ ಇಲ್ಲಿವೆ,
ದೊಡ್ಡ ಮೀನು, ಸಣ್ಣ ಮೀನು
ಎಲ್ಲಾ ಬಲೆಗೆ ಸಿಲುಕಿವೆ.
ಆಸೆ ಇದ್ದ ಮೀನು ಇಲ್ಲಿ
ಶಾಂತ ಸಾವು ಪಡೆದಿದೆ,
ದುರಾಸೆಯಿದ್ದ ಮೀನು
ಕೊಳೆತು ನಾರುವಂತಿದೆ.
Friday, December 14, 2007
Subscribe to:
Post Comments (Atom)
1 comment:
olleya kavana sir:)
Post a Comment